ថ្ងៃ២១ កញ្ញា២០១៧កន្លងទៅនេះជាថ្ងៃដែលអង្ការសហប្រជាជាតិបានប្រកាសថាជា ទិវាសន្តិភាពអន្តរជាតិ ហើយ បានអំពាវនាវសុំប្រទេសជាសមាជិកទាំងអស់ ចូលរួមជួយសាងនឹងលើកដំកើងសន្តិភាពក្នូងប្រទេសរៀងខ្លួន អោយ រិតប្រសើរទ្បើង ។ រដ្ឌមន្ត្រីទី១ ហ៊ុន សែន ក៍បានផ្ញើរសារមួយយ៉ាងវែងជូនប្រជាពលរដ្ឌសុំអោយជួយថែរក្សា សន្តិភាព ដែលលោកបានខំសាងដោយលំបាកបំផុត ។ FN បានជួយបំពងសម្លេងថាះ ដើម្បីរក្សាសន្តិភាព ឱ្យមានស្ថិរភាពនិងនិរន្តរភាព កម្ពុជាមិនអនុញ្ញាតឱ្យបុគ្គលឬក្រុមនយោបាយណាឬក៏បរទេសណាមួយ មកបំផ្លាញបាន ជាដាច់ខាតទោះស្ថិតក្នុងតម្លៃណាក៏ដោយ។សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានិងជាស្ថាបនិកសន្តិភាពបានប្តេជ្ញាការពារយ៉ាងម៉ឺងម៉ាត់ជាទីបំផុត។
ចំពោះបញ្ហានេះយើងសូមរំលឹកថាសន្តិភាពដែលខ្មែរបានទទួលកន្លងមកនេះគឹជាដំណែលបានមកពី អង្ការសហ ប្រជាជាតិ បន្ទាប់ពីមានកិច្ចព្រមព្រៀងសន្តិភាពក្រុងប៉ារីស ថ្ងៃ២៣តុលា១៩៩១ ដែលបានជួយរៀបចំអោយមាន សន្តិភាពនឹងលទ្ធិប្រជាធិបតេយ្យទ្បើងវិញ ។ តែគួអោយស្តាយណាស់ដែលចាប់ពីពាក់កណ្តាលឆ្នាំ១៩៩៧មក ហ៊ុន សែន នឹងបក្សប្រជាជនបានដណ្តើមអំណាច មិនគោរពកិច្ចព្រមព្រៀងសន្តិភាពក្រុងប៉ារីស ហើយបន្តរស់នៅក្នុង រង្វង់អំណាចយួនកុម្មុយនិស្ត ។ ដូច្នេះការដឹកនាំស្រុកក៍គ្មានការចុះសម្រុងគន្នាល្អប្រសើរធ្វើអោយមានការតវារជាច្រើន ហើយ សន្តិភាពក៍បាន រងគ្រោះដោយភាពផុយស្រួយ ។
ចំណែកពាក្យដែល រដ្ឌមន្ត្រីទី១ ហ៊ុន សែន និយាយជាច្រើនដងថានឹងមានសង្គ្រាមបើសិនណាជាបក្សប្រជាជន ចាញ់ឆ្នោត ក៍មិនមែនជាប្រផ្នូលល្អសម្រាប់សន្តិភាពដែរ ព្រោះថាការចាញ់រឺឈ្នះឆ្នោតជាការធម្មតាក្នុងប្រទេសដែល ប្រកាន់លទ្ធិប្រជាធិបតេយ្យ ។ អ្នកចាញ់ត្រូវផ្ទេរអំណាចទៅអោយបក្សឈ្នះ មិនមែនទៅអោយកូនចៅបក្សចាញ់ទេ។
ជាការពិតណាស់ដែលយើងត្រូវការសន្តិភាព ទំាងសន្តិភាពជាមួយប្រជាពលរដ្ឌខ្លួន ទំាងសន្តិភាពជាមួយប្រទេស ជិតខាងយើង ។ ជាមួយពលរដ្ឌមិនត្រូវយករដ្ឌអំណាចវាយដំមកប្រើលើពលរដ្ឌដើម្បីប្រយោជន៍បក្សពួកខ្លួនកាន់អំណាចរហូត ជាមួយប្រទេសជិតខាង មិនត្រូវមានការស៊ុំក្រលំសុំសុខដែលជាកត្តាអោយយើងបាត់បង់ទឹកដីនិងសាមគ្គីជាតិ។
សូមបួងសួងដល់គុណព្រះរតនត្រៃយសូមជួយណែនាំអ្នកដឹកនាំខ្មែរទាំងអស់អោយចេះជួយសាងសន្តិភាពដ៍ល្អប្រពៃជូនមាតុភូមិនឹងប្រជាពលរដ្ឌបានរស់នៅក្នុងភាពថ្លៃថ្នូរ មិនមែនសន្តិភាពដែលបានមកដោយការគាបសង្កត់គុក ច្រវាក់ចំពោះពលរដ្ឌគ្នាអែង រឹ សន្តិភាពដែលបានមកដោយព្រមរស់នៅក្រោមរណបបរទេសនោះទេ ៕
តា ព្រាប ស
យុទ្ធនាការអន្តរជាតិដើម្បីកម្ពុជា 