ទោសក្បត់ជាតិ
“ទោសក្បត់ជាតិ” ជាបទល្មើសធ្ងន់បំផុតដែលមហាជនខ្មែរជំនាន់ដើមទសវត្យរ៍ឆ្នាំ១៩៦០ បានដឹងឮ ហើយធ្វើឲ្យភ័យខ្លាចតក់ស្លុត ព្រោះ “ទោសក្បត់ជាតិ” ជាទោសអាចជាប់គុកមួយជីវិត ឬក៏ប្រហារជីវិតបង់ ។
១. អត្ថន័យ: ពាក្យថា “ក្បត់” មានន័យថា ធ្វើអ្វីមួយដោយកិច្ចកល់លួចលាក់ មិនឲ្យអ្នដទៃយល់ដឹង រំលោភច្បាប់ ឬផ្ទុយនិងច្បាប់ជាតិ និងអន្តរជាតិ ដោយមានការកេងប្រវញ្ចចំណេញ យកប្រយោជន៍ផ្ទាល់ខ្លួន ឬតែបក្សពួកខ្លួន ។ ទាំងអស់នេះជាអំពើទុច្ចរិត ជាអំពើក្បត់ ដែលតែងកើតមានក្នុងសង្គមឬប្រទេសមួយ ដោយក្ដីលោភលន់ មិនគិតប្រយោជន៍រួម ឬប្រយោជន៍ជាតិទាំងមូលជាដើម ។ ប្រយោជន៍សាធារណ: ឬប្រយោជន៍ជាតិ មានការទាក់ទងជាមួយទ្រព្យសម្បត្តីធម្មជាតិ ដូចជាដីធ្លី រ៉ែក្រោមដី លើដី ថ្ម ខ្សាច់ និងព្រៃឈើ ជាដើម ។ បើនិយាយឲ្យស្រួលយល់ ជនដែលធ្វើឲ្យបាត់បង់ ខូចប្រយោជន៍ជាតិ ដែលមានទំហំធំធេង គេតែងចោទថាមាន “ទោសក្បត់ជាតិ” ។
២. ទិដ្ឋភាពច្បាប់: ស្របតាមឯកសារច្បាប់ ក្រមព្រហ្មទណ្ឌ យើងបានរកឃើញថា :
២.១ – មាត្រាទី ៤៤១ នៃបទព្រហ្មទណ្ឌខ្មែរចែងថា ការប្រគល់ឲ្យរដ្ឋបរទេស នូវកងយោធពលខេមរភូមិន្ទ្រ …..ជាអំពើ ក្បត់ជាតិ ។
២.២ -មាត្រា៤៤២ នៃក្រមព្រហ្មទណ្ឌ ចែងថា ការប្រគល់ឲ្យរដ្ឋបរទេស នូវសម្ភារ:សំរាប់ការពារជាតិ…… ជាអំពើក្បត់ជាតិ ។
២.៣ -មាត្រា៤៤៣ នៃបទព្រហ្មទណ្ឌ ដែលចែងថា បទសន្ធិដ្ឋិភាព ជាមួយជនបរទេស គឺជាអំពើត្រូវរូវគ្នាដោយសម្ងាត់ ជាមួយរដ្ឋបរទេស ឬភ្នាក់ងារបរទេសណាមួយ ដើម្បីបង្កើតឲ្យមានអំពើប្រទូសរាយ ឬអំពើឈ្លានពាន ប្រឆាំងនិងប្រទេសកម្ពុជា ជាអំពើក្បត់ជាតិ ។
៣. សំណួរ: តើការចោទក៍ប្រកាន់លោក កឹម សុខា ថាជា “ជនក្បត់ជាតិ” នោះ សមស្របតាមច្បាប់ ព្រហ្មទណ្ឌខាងលើនេះដែរឬទេ ?
– យើងសូមផ្ដល់ចម្លើយមានដូចតរៀងទៅ :
៣.១ - ចម្លើយថាទេ! លោកកឹម សុខា មិនមែនជាអ្នកកាន់កាប់ពលទាហាន ឬក៏មានសិទ្ធិអ្វី លើកងយោធពលខេមរភូមិន្ទ្រឡើយ ។
៣.២ - ចម្លើយថាទេ! លោកកឺម សុខា មិនដែលមានសម្ភារ:សិកអ្វី អំណាចចាត់ចែងនិងលួចលាក់ចែកចាយឲ្យបរទេសណាឡើយ ។
៣.៣ - ចម្លើយថាទេ! លោកកឺម សុខា មិនដែលមានសន្ធិដ្ឋិភាព (ភាពជិតស្និត) ជាមួយជន បរទេសធ្វើ ឲ្យខូចប្រយោជន៍ជាតិខ្មែរឡើយ ។
™ តាមពិត លោកកឹម សុខា ជាអ្នកស្នេហាជាតិ ស្រឡាញ់ជាតិ ស្រឡាញ់ស្រុកកទេស និងរាស្ដ្រខ្មែរទាំងអស់ ដោយឥតរើសមុខ ។
៤. តើអ្នកណាដែលគេតែងចោទថា ជាជនក្បត់ជាតិ? – ចំឡើយគឺ: ជនកាន់អំណាចកំពូលដឹកនាំក្បាលម៉ាស៊ីន រដ្ឋាភិបាលសព្វថ្ងៃ គឺលោកហ៊ុន សែន ដែលជា:
៤.១ - អ្នករំលោភបំពានរដ្ឋធម្មនុញ្ញ ដែលជាច្បាប់កំពូលក្នុងប្រទេស របស់ជាតិខ្មែរ ។
៤.២ – អ្នកមិនគោរពធ្វើតាមច្បាប់អន្តជាតិ និងកិច្ចព្រមព្រៀងអន្តរជាតិ មានកិច្ចព្រមព្រៀងសន្តិភាពក្រុងប៉ារីស ជាដើម ។
៤.៣ – អ្នកដែលបានចុះហត្ថលេខាទ្វេភាគី ជាមួយវៀតណាម ធ្វើឲ្យសន្ធិញ្ញា និងកិច្ចព្រមព្រៀងទ្វេភាគី ខុសច្បាប់ឲ្យមានសុពលភាពឡើងវិញ ហើយអនុវត្តធ្វើការបោះបង្គាលព្រំដែនថ្មី ជាមួយវៀតណាម ។ ការចុះហត្ថលេខាទ្វេភាគីខុសច្បាប់ជាមួយគូភាគីវៀតណាមធ្វើឡើងស្ងាត់ៗ នៅថ្ងៃទី ២៣ ដល់ទី ២៧ ខែមីនា ឆ្នាំ ១៩៩៩ នៅទីក្រុងហូជីមិញ (ក្រុងព្រៃនគរ) នៅពេលដែលលោក ហ៊ុន សែន បានឡើងកាន់អំណាចជានាយករដ្ឋមន្ត្រីតែម្នាក់ឯងគត់ ។ មេដឹកនាំកំពូល និងអ្នក ស៊ុំគ្រលុំជាមួយ ត្រូវជាប់ចោទក៍ថា ជាជនក្បត់ជាតិ និងអន្តរជាតិ ។
៤.៤ – អ្នកក្លែងបន្លំផ្ទុយនិងការពិត បំភិតបំភ័យ បំបិតសិទ្ធិទរាស្ត្ររបស់ខ្លួន ដើម្បីបំពេញចិត្ត បំរើប្រយោជន៍បរទេសដាច់ថ្លៃ តាមបញ្ជាបរទេស (វៀតណាម) ជាដើម ជាអំពើក្បត់ជាតិ ។
៤.៥ – អ្នកបំផ្លិចបំផ្លាញទ្រព្យសម្បត្តិជាតិ មានជាអាទិ៍ ដីធ្លី រ៉េ (ថ្មមានដំឡៃ) និងដីខ្សាច់គ្រប់ធុន ជាដើម ជាសម្បត្តិធម្មជាតិសាធារណ; ទ្រព្យសម្បត្តិជាតិ គឺជាសម្បត្តិរបស់រាស្ត្រទាំងអស់គ្នា ។ ជនណាត្រូវការប្រើប្រាស់របស់ជាតិ យកដាក់ជារបស់ផ្ទាល់ខ្លួន ត្រូវតែបង់ពន្ធជូនរដ្ឋ ពេញថ្លៃ គឺទិញពីពលរដ្ឋឯទៀត ហើយយកថវិកាដាក់ឃ្លាំងជាតិ សំរាប់ចាយវាយកសាងប្រយោជន៍សាធារណ: មានសាលារៀន ស្ពាន និងផ្លូវថ្នល់ ជាដើម ។ល៕
ដោយ តា ពេជ្រដា
យុទ្ធនាការអន្តរជាតិដើម្បីកម្ពុជា 